Cənubi Karolina ştatında ABŞ-ın federal hakimi qaradərili silahsız şəxsi öldürdüyünə görə ağdərili keçmiş polis zabitini 20 il həbsə məhkum edib.
2015-ci ildə baş vermis ölümçül atışma xüsusilə afrikalı amerikalılar olmaqla, bir çoxlarının qəzəbinə səbəb oldu.
Maykl Slaqer bu növ qətl hadisəsinə görə həbs edilən az sayda polis zabitlərindəndir.
“Biz bu gün ədalətli qərarın verildiyinin şahidi olduq. Biz nəhayət ki, irəliyə addım atdıq. Və bu gün biz sadəcə ədalətli qərar eşitmədik, biz həqiqəti eşitdik” deyə hadisə qurbanının qardaşı Entoni Skott bildirib.
Slaqer Uolter Skott-u avtomobilinin fənərinin işləməməsi səbəbi ilə saxladıqdan sonra ona atəş açmışdır.
