Ölkədən sürgün edilmiş Pakistanın sabiq prezidenti Pərviz Müşərrəf həbsə alınacağı ilə bağlı narahatlığa baxmayaraq bu ayın axırı yeni yaratdığı və parlament seçkilərində iştirak edən partiyasına rəhbərlik etmək üçün Pakistana qayıdacağını bildirib. Sabiq prezident təhlükəsizliyi ilə bağlı narahatlığa baxmayaraq yanvar ayının 27-si və 30-u arası ölkəyə qayıdacağını bildirib. O, müharibə iştirakçısı olduğunu və heç nədən qorxmadığını deyib. Müşərrəf ölkəyə qayıtmazdan əvvəl Krallığın dəstəyini almaq üçün Səudiyyə Ərəbistanına səfər edəcək.
