2016-cı il dekabrın 27-də Bakının Qaradağ rayonu Səngəçal qəsəbəsi ərazisində partlayış baş vermiş qaz xəttində yenidən partlayış olub.
Fövqəladə Hallar Nazirliyinin (FHN) mətbuat xidmətindən APA agentiyinə verilən məlumata görə, yanğınla nəticələnən partlayış yanvarın 2-də saat 07 radələrində kəmərin eyni yerində qeydə alınıb.
Hadisədən dərhal sonra FHN-in canlı qüvvəsi və texnikası əraziyə cəlb olunub.
Ərazidə təhlükəsizlik tədbirləri görülüb, Qaz Emalı Zavodundan Səngəçal Baş Qurğularına gedən, diametri 1000 mm-lik magistral qaz kəmərinə qaz vurulması dayandırılıb.
Yanğın lokallaşdırılıb, tam söndürülməsi üçün tədbirlər davam etdirilir.
Partlayış və yanğın nəticəsində zərəçəkənlərin olub-olmaması, səbələri barədə hələ məlumat verilmir.
Dekabrın 27-də baş verən partlayış və yanğın barədə videonu təqdim edirik. Videoda partlayışın yeri və səbəbləri barədə dolğun məlumat verilir.
