Qırğızıstanın yeni seçilmiş parlamenti bu gün ilk sessiyasını çağırıb. Beləliklə seçkilərdə qələbə əldə edən 5 partiya arasında koalisiya danışıqlarına zəmin yaradılıb. Prezident Roza Otunbayeva siyasi liderləri baş nazirin seçilməsi və noyabr ayının 27-dək hökumətin təşkilinə çağırıb.Aprel ayında prezident Kurmanbek Bakiyevin hakimiyyətdən devrilməsindəndən sonra Qırğızıstanda sabitsizlik hökm sürür. İyun ayında baş qaldıran etnik zorakılıqlar səbəbi ilə yüzlərlə insan həlak olmuş, 400 minə yaxın adam evindən didərgin düşmüşdü.