Accessibility links

Quam rəhbərliyi sakinlərə "atom hücumu" barədə təlimat payladı


Turistlər Quam çimərliklərində. 10 avqust, 2017.

ABŞ ərazisi sayılan Quam adasında rəhbərlik cümə günü potensial atom bombası hücumuna hazırlıq üçün təlimat açıqlayıb.

Qeyri-adi şəkildə detallı açıqlamada Şimali Koreya hərbçiləri bəyan ediblər ki, bir həftənin içərisində onlar rejim lideri Kim Conq Una Huasonq-12 raketlərini 3,300 kilometr cənubda yerləşən Quama Yaponiya üzərindən atmaq planını təqdim edəcəklər.

Olduğunuz yerdə qalın, hətta ailənizdən ayrı düşsəniz belə. Xəbərlərə qulaq asın. Məktəbə zəng etməyin. Səbrli olun.

Şimali Koreya Quamı nüvə hücumu ilə hədələməyib, lakin ABŞ-la Pxenyan arasında artan gərginliklər regionda nüvə konfliktinin baş qaldıracağına dair qorxuları artırıb.

Hərçənd ki, Quam qubernatoru Şimali Koreyanın raket xəbərdarlığına reaksiyasında narahatlığa əsas olmadığını bildirib, hökumət hazırlıq barədə təlimat açıqlayıb.

Soyuq Müharibə dönəmini xatırladan təlimatda nüvə hücumundan öncə, hücum zamanı və sonra nə etmək olduğu deyilir.

“Parıltıya, alov topuna baxmayın – sizi kor edə bilər,” təlimatda deyilir. "İstənilən qoruyucu obyektin arxasında gizlənməyə çalışın.”

İkinci Dünya Mühiarbəsindən bəri heç bir dünya qüdrəti atom bombasından hücum məqsədi üçün istifadə etməyib.
İkinci Dünya Mühiarbəsindən bəri heç bir dünya qüdrəti atom bombasından hücum məqsədi üçün istifadə etməyib.

"Radioaktiv maddəni yayılmaqdan saxlamaq üçün paltarlarınızı çıxarın. Üst paltarı çıxarmaq radioaktiv materialın 90 faizini aradan qaldıra bilər,” deyə təlimatda hücum zamanı dışarıda olan vaxt nə etmək tövsiyə olunur.

Təlimatda valideynlərə uşaqlarla bağlı nə etməyə dair məsləhətlər də verilir.

“Olduğunuz yerdə qalın - hətta ailənizdən ayrı düşsəniz belə. Xəbərlərə qulaq asın. Məktəbə zəng etməyin. Səbrli olun. Övladınızı necə götürmək barədə təlimatları gözləyin.”

Quamda hazırda 163,000 adam yaşayır. Burada ABŞ hava qüvvələrinin bazası və B-1 bombardmançı təyyarələri qərargahlanır.

XS
SM
MD
LG