Accessibility links

Qubad İbadoğlu: Heç olmasa bundan sonra nəticə çıxarın…


Qubad İbadoğlu (Foto Qubad İbadoğlunun Facebook səhifəsindən götürülüb)
Qubad İbadoğlu (Foto Qubad İbadoğlunun Facebook səhifəsindən götürülüb)

İqtisad elmləri doktoru Qubad İbadoğlu Azərbaycan prezidenti İlham Əliyevin Münhen Təhlükəsizlik Konfransı çərçivəsində “Neftin qiymətinin aşağı düşməsi geosiyasi məsələləri üzrə enerji təhlükəsizliyi” mövzusunda keçirilən dəyirmi masada etdiyi çıxışa münasibət bildirib. Onun Facebook səhifəsində dərc etdiyi şəhrini diqqətinizə çatdırırıq:

Münhen Təhlükəsizlik Konfransı çərçivəsində “Neftin qiymətinin aşağı düşməsi geosiyasi məsələləri üzrə enerji təhlükəsizliyi” mövzusunda keçirilən Dəyirmi Masada Azərbaycan prezidenti İlham Əliyev tarixi bir etiraf edib: "Biz indi yaşadığımız vəziyyəti neft hasilatının azalmağa başladığı bir dövrdə - ola bilsin, 15-20 il bundan sonra proqnozlaşdırmağa çalışırdıq. Biz bu dövrə hazır deyildik”.

Səhvin zaman miqyası da nə az, nə də çox düz 20 ildir. Səhvin doğuracağı fəlakətlərin masştabının isə nə qədər böyük olacağını bir Allah bilir.

Bu etiraf, ilk növbədə, ölkədə dövlət orqanlarının makroiqtisadi proqnozlaşdırma və planlaşdırma işi ilə məşğul olan strukturlarının hansı vəziyyətdə olduğuna verilən ən obyektiv qiymətdir. Buradan çıxan ilk nəticə odur ki, ölkənin gələcək inkişaf perspektivlərinə baxış bir ssenarili və yanlış olub. Səhvin zaman miqyası da nə az, nə də çox düz 20 ildir. Səhvin doğuracağı fəlakətlərin masştabının isə nə qədər böyük olacağını bir Allah bilir. Belə yerdə deyiblər ki, Allah kərimdir, quyusu da dərindir! Bu iqtidarın iqtisadçı başbilənlərinin Azərbaycan xalqını hansı dərin quyuya saldıqlarını zaman göstərəcək. Allah qorusun!

Lap tutaq ki, biz ekspertlərin imkanları çatan səviyyələrdə səsləndirdikləri həyəcan dolu xəbərdarlıqları eşitmirdiniz, bəs, özünüz niyə işləmirdiniz? Müasir informasiya texnologiyaları eyni parametrli iqtsiadi modeli bir neçə ssenaridə proqnozlaşdırmağa imkan verir. Bunun üçün yüksək iqtisadi biliklər də tələb olunmur. Belə çıxır ki, hökümətin işi gələn pulları saymaq və xərcləməkdən ibarət olub. Axı gəlirlərin proqnozu səhv olubsa, deməli, gələcək xərclər də düzgün planlaşdırılmayıb.

Belə çıxır ki, hökümətin işi gələn pulları saymaq və xərcləməkdən ibarət olub. Axı gəlirlərin proqnozu səhv olubsa, deməli, gələcək xərclər də düzgün planlaşdırılmayıb.

Görəsən, İqtisadiyyat Nazirliyinin "Strateji proqnozlaşdırma və planlaşdırma", Maliyyə Nazirliyinin "Makroiqtisadi proqnozlaşdırma və iqtisadi təhlil" şöbələri , Dövlət Neft Fondunun "Büdcə proqnozlaşdırma və layihələr" departamenti, Dövlət Neft Şirkətinin Strateji inkişaf üzrə vitse-prezidenti hansı işlə məşğul olub, gələcək strategiyalarını nəyin əsasında qurublar.

Yaxşı ki, prezident səmimi etirafını etdi. Heç olmazsa bundan sonra nəticə çıxarın, bir neçə ssenarili proqnozlar hazırlayın. Axı, sizin proqnozlaşdırdığınız o gələcək əlahiddə bir gələcək deyil, onun içərisində bütün Azərbaycan xalqının taleyi var! Yoxsa, siz özünüzü o gələcəyin və o xalqın içərisində görmürsünüz?!

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG