Beynəlxalq ictimaiyyət Amerikanın səfirliyini Tel-Əvivdən Qüdsə köçürməsinə birmənalı reaksiya verməyib.
BMT-nin Təhlükəsizlik Şurası bu gün növbədənkənar içlas keçirərək, İsrail və Fələstin arasında son 5 il ərzində baş qaldıran ən ağır qarşıdurmanı müzakirə edəcək.
Fransa prezidenti Emanuel Makron Qəzzada İsrail qüvvələri tərəfindən 50-dən çox insanın öldürülməsini qınayıb.
Makron ofisinin bəyanatında deyilir ki, o, İsrailin baş naziri Benyamin Netanyahu ilə danışıqlar aparacaq.
ABŞ-ın İsraildəki səfirliyinin Tel-Əvivdən Qüdsə köçürülməsi ilə Amerikanın bir sıra tərəfdaşı və bu ölkənin rəqibləri də tənqidlərini dilə gətirib.
Britaniyanın baş naziri Tereza Mey İsrail-Fələstin sülh razılığı əldə edilmədən Amerikanın bu addımını kəskin şəkildə pisləyib.
Türkiyə hökuməti ABŞ-dakı səfirini geri çağıraraq, məsləhətləşmələr keçirəcəyini bildirib.
İranın xarici işlər naziri Məhəmməd Cavab Zərif bunu “böyük rüsvayçılıq günü” adlandırıb.
