Moskvada insanlar bazar günü təyyarələrinin Qara Dənizdə qəzaya uğraması nəticəsində həlak olan Rusiyanın hərbi xor, orkestr və rəqs qrupunun üzlvərinin xatirəsini yad edirlər.
Ansambl Latakiya hərbi bazasında Rusiyanın hərbi pilotları üçün konsert verəcəkdi.
Bəziləri "Aleksandrov" ansamblının baş qərargahı önündə ansamblın üzvlərinə ehtiram nişanəsi olaraq şam yandırıblar.
Digərləri Suriyaya uçarkən qəzaya uğrayan təyyarədə olan ansamblın 70 üzvünün xatirəsinə çiçəklər qoyublar. Qəza nəticəsində ansambl üzvləri də daxil olmaqla ümumilikdə 92 nəfər ölüb. Ansambl Latakiya hərbi bazasında Rusiyanın hərbi pilotları üçün konsert verəcəkdi.
Bu arada isə rəsmilər xilasetmə işçilərinin qəza bölgəsindən təyyarə parçalarını toplamağı bitirdiyini deyiblər
Çərşənbə günü, onlar ikinci qara qutunu çıxarıb, təhqiqatçların qəzanın səbəbini müəyyən edə bilmələri üçün Moskvaya göndəriblər.
Nəqliyyat Nazirliyi indiyədək 19 cəsədin, eləcə də yüzlərlə bədən hissələrinin tapıldığını bildirir.
Cümə axşamı ordu rəsmisi qara qutuların təyyarədə heç bir partlayışın olmadığını göstərdiyini, amma müstəntiqlərin hələ ki, terror ehtimalını istisna etmədiklərini deyib.
Daha öncə isə rəsmilər qəzaya terror aktının səbəb olduğu ehtimalının çox az olduğunu deyirdilər və diqqəti əsasən pis yanacaq, pilot səhvi və ya hər hansı avadanlığın iflasa uğramasına yönəltmişdilər.
