Accessibility links

Taliban Rusiya ilə 1 milyon ton neft idxalı ilə bağlı danışıqlar aparır


Əfqanıstan Talibanı Rusiya ilə 1 milyon ton neft məhsulu idxalı müqabilində kişmiş, dərman üçün xammal və minerallar verəcəyi barədə danışıqlar apardığını bildirib.

Taliban nümayəndə heyəti hazırda Moskvadadır və Rusiya rəsmiləri özəl biznes qurumları ilə qarşılıqlı ticarət əlaqələrini inkişaf etdirmək və müharibədən əziyyət çəkən Cənubi Asiya ölkəsinə sərmayə yatırmaq üçün görüşlər keçirib.

Rusiya rəsmiləri bildirdiyinə görə, ziyarətçilər həmçinin buğda və günəbaxan da daxil olmaqla, digər zəruri məhsulların idxalını müzakirə edib.

Talibanın nümayəndə heyətinin rəhbəri, sənaye və ticarət naziri Nuriddin Əzizi cümə günü Rusiya mətbuatına bildirib ki, Kabilə 4 milyon tondan çox neft tələb olunur və onun bir hissəsi artıq qonşu ölkələrdən idxal olunur.

“Rusiya dost ölkə olduğu üçün biz buraya Rusiya neftinin və digər neft məhsullarının idxalı ilə bağlı razılaşma əldə etməyə gəlmişik. Biz təxminən bir milyon tona yaxın benzin və dizel yanacağı idxal etməyi planlaşdırırıq” - deyə, Əzizi RİA Novosti xəbər agentliyinə bildirib.

Taliban keçən ay qonşu İranla 350 min ton neft almaq üçün müqavilə imzalayıb.

Nazir bildirib ki, onun hökuməti razılaşmanı mümkün qədər tez bağlamaq istəyir.

“Bizim prioritetimiz Rusiya mallarını barter əsasında idxal etməkdir” deyən Əzizi, ölkələrin “qarşılıqlı barter ticarətində tarixi təcrübəyə” malik olduğunu qeyd edib.

O əlavə edib ki, barter planı işləməsə, Əfqanıstan Rusiyadan tədarükün təmin edilməsi üçün maliyyə əməliyyatlarından istifadə edə bilər.

Əzizi həmçinin bildirib ki, ABŞ və Avropa İttifaqı Əfqanıstana qarşı xammal idxalı baxımından sanksiyalar tətbiq etməyib. O, “Əfqanıstan bu malların ödənişini pulla edə bilər” deyib.

Dünyaya Baxış

Dünyaya Baxış. G7 liderləri Ukraynaya 50 milyard dollar kredit vermək planını qəbul edib
please wait

No media source currently available

0:00 0:09:10 0:00

Amerika İcmalı

Amerika İcmalı. Ukrayna sülh sammiti. Azərbaycan və İran münasibətlərinin perspektivi.
please wait

No media source currently available

0:00 0:30:08 0:00
XS
SM
MD
LG