Cənubi Sudanın prezidenti Salva Kiir ölkədə 20 ay davam edən vətəndaş müharibəsinə son qoymaq məqsədi ilə hazırlanmış sülh razılığını imzalamaqdan imtina edib.
Efiopiyanın paytaxtı Addis Ababada keçirilən danışıqların vasitəçiləri deyib ki, cənab Kiir razılığı imzalaması üçün ona 15 gün vaxt verilməsini istəyib.
Bu müddətdə o, vətəninə dönərəkseçiciləri ilə müzakirələr keçirəcəyini deyib.
Üsyançı lider Riek Maçar cənab Kiirin qərarından təəccübləndiyini deyib.
“Mən onun nəyə görə daha çox vaxt istəməsini başa düşmürəm. Ona yaxşı təklif edilib. Ona bütün səviyyələrdə səlahiyyətlərin və hakimiyyətin bölünməsi təklif edilib.”
Razılıq dünən ölkənin hakim partiyası tərəfindən imzalanıb.
