Accessibility links

Brilyant dəstlər və qızıl ziynət əşyaları götürülüb


Briliyant dəstlər və qızıllar Bakı hava limanında aşkar edilib

Bakının Beynəlxalq aeroportunda “Bakı-Daşkənd” və İstanbul-Bakı aviareyslərinin sərnişinlərindən külli miq­­darda qiymətli daş-qaş və qızıl-ziynət əşyaları götürülüb.

Dövlət Sərhəd Xidmətinin mətbuat mərkəzinin məlumatına görə, mütəşəkkil dəstə üzvləri 240 qram çəkisi olan 14 ədəd brilyant dəstini və 4 ədəd mirvari boyunbağını “Bakı-Daşkənd” aviareysinin sərnişinləri ara­sında paylayaraq gömrük və sərhəd nəzarətindən gizlin şəkildə ölkə əra­zisindən çıxarmağa cəhd göstərib. Nəticədə ziynət əşyalarını dövlət sərhədindən keçirməyə cəhd göstərən 11 nəfər əcnəbi vətəndaşı saxla­nılıb.

Araşdırmaların davamı olaraq dəstənin üzvləri, Azərbaycan vətən­daşları Mahir Bağırov, Elçin Məmmədov, Səfa Abdurəh­manov və Özbəkistan vətəndaşı Yeganə Orucova saxlanılıb. Onların üzərinə keçirilmiş baxış zamanı əlavə olaraq 493 qram daş-qaşlı qızıl ziynət əşyaları, 4735 ABŞ dolları, 700.000 Özbək sumosu aşkar olunaraq götürülüb.

Dövlət Gömrük Komitəsinin məlumatında isə deyilir ki, noyabrın 3-də İstanbul-Bakı aviareysinin sərnişini, Türkiyə vətəndaşı Ecer Bilalın bel çantasından kiçik həcmli polietilen paketlərdən ümumi çəkisi 95 qram olan 2638 ədəd brilyant qaşlar aşkar olunub.

Hə iki faktla bağlı araşdıma aparılır.

Dünyaya Baxış

Dünyaya Baxış. Qadın hüquqları fəalı azyaşlının zorlanmasına etiraz edib
please wait

No media source currently available

0:00 0:10:01 0:00

Amerika İcmalı

Amerika İcmalı - 15 Oktyabr, 2021
please wait

No media source currently available

0:00 0:29:08 0:00
XS
SM
MD
LG