Accessibility links

Şahzadə Məhəmməd bin Salman: İsrailin öz torpaqlarına malik olmaq hüququ var


Səudiyyə Ərəbistanının vəliəhdi, şahzadə Məhəmməd bin Salman Nyu Yorkda BMT-nin baş qərargahında, 27 mart, 2018.

Səudiyyə Ərəbistanının vəliəhdi deyib ki, israillilər öz torpaqlarında dinc yaşamaq hüququna malikdir. Şahzadə Məhəmməd bin Salmanın ABŞ-ın Atlantic jurnalına müsahibədə verdiyi bu açıqlama Ər-Riyad və Tel-Əviv arasında mümkün yaxınlaşmaya daha bir işarə kimi qiymətləndirilir.

Onun yəhudi xalqının dogma torpaqlarda öz dövlətinə malik olmaq hüququna inanması ilə bağlı sualın cavabında Məhəmməd bin Salman bildirib: “Mən inanıram ki, fələstinlilər və israillilərin öz torpaqarına malik olmaq hüququ var. Lakin biz hamı üçün sabitliyin təmin olunduğu və normal münasibətlərin mövcud olduğuna dair sülh razılaşmasına malik olmalıyıq.”

Bizim İsraillə bölüşdüyümüz bir sıra maraqlarımız var və sülh olsa, o zaman İsrail və Körfəz Əməkdaşlıq Şurası ölkələri arasında da bir çox maraqlar olacaq.
Məhəmməd bin Salman

İslam dininin yarandığı yer olan və onun ən müqəddəs ibadətgahlarının yerləşdiyi Səudiyyə Ərəbistanı İsrail dövlətini tanımır. Səudiyyə Ərəbistanı illərdir bildirir ki, münasibətlərin normallaşması məsələsi İsrailin 1967-cı il müharibəsi zamanı işğal etdiyi ərəb torpaqlarından çəkilməsi ilə bağlıdır. Fələstinlilər bu torpaqları gələcək dövlətlərinin ərazisi hesab edir.

“Bizim Qüdsdə müqəddəs məscidin taleyi ilə bağlı dini narahatlıqlarımız və Fələstin xalqı ilə bağlı narahatlıqlarımız var. Vəziyyət budur. Bizim başqa xalqlara heç bir etirazımız yoxdur”, şahzadə Məhəmməd bin Salman bildirib.

Səudiyyə Ərəbistanının vəliəhdi investisiyaların cəlb olunması və İranın nüfuzunun azaldılması səylərinə dəstək məqsədilə Birləşmiş Ştatlarda səfərdədir.

Tehran və Ər-Riyad arasında gərginliyin artması Səudiyə Ərəbistanı və İsrailin birgə maraqlar naminə ümumi təhlükə adlandırdıqları İran təhlükəsinə qarşı birgə iş apara bilməsilə bağlı fərziyyələrin güclənməsinə səbəb olub.

“Bizim İsraillə bölüşdüyümüz bir sıra maraqlarımız var və sülh olsa, o zaman İsrail və Körfəz Əməkdaşlıq Şurası ölkələri arasında da bir çox maraqlar olacaq”, şahzadə Məhəmməd bin Salman əlavə edib.

XS
SM
MD
LG