Mayın 9-da Amerikanın təşəbbüsü ilə Rusiya xarici işlər naziri Sergey Lavrovun ABŞ dövlət katibi Con Kerri ilə telefon söhbəti olub.
Rusiya Federasiyasının XİN mətbuat xidmətinin məlumatına görə, tərəflər Suriyada vəziyyəti və bu ölkədə nizamlanma üzrə konkret addımları müzakirə ediblər.
Bundan əlavə, tərəflər Qarabağ münaqişəsinin nizamlanması, ATƏT-in Minsk Qrupu həmsədrlərinin indiki mərhələdə mümkün addımlarına toxunublar, deyə məlumatda bildirilir.
Lavrov bir neçə gün öncə bildirib ki, ATƏT-in Minsk Qrupunun həmsədrləri Ermənistan və Azərbaycan nümayəndələri ilə görüşün təşkili üzərində işləyirlər.
