Accessibility links

Naxçıvanda hücum təyyarələri təlim uçuşları keçirib


SU-25 hücum təyyarələri

Naxçıvanda Əlahiddə Ümumqoşun Ordunun aviasiya hərbi hissəsinin SU-25 hücum təyyarələri təlim uçuşları həyata keçirib.

Azərbaycan Müdafiə Nazirliyinin məlumatına görə, təyyarələr Naxçıvan səmasında uğurlu uçuşlar həyata keçirib.

Məlumatda deyilir ki, modernizə edilmiş SU-25 hücum təyyarəsi döyüş meydanında, istənilən hava şəraitində, gecə-gündüz quru qoşunlarının bilavasitə dəstəklənməsi və müxtəlif obyektlərin məhv edilməsi üçün təyin edilib.
SU-25 hücum təyyarəsi döyüş qabiliyyəini itirməmək üçün və yüksək müdafiə sistemlərinə malikdir. Əsas diqqət pilot kabinəsinin və yanacaq sisteminin təhlükəsizliyinə yönəldilib.

Modernizə edilmiş SU-25 hücum təyyarəsinin döyüş kompleksinə müxtəlif toplar, aviabombalar, “Hava-yer” idarəolunmayan, “Hava-hava” idarəolunan raketlər daxildir. Ümumilikdə təyyarəyə 32 növ silah quraşdırıla bilər.

Azərbaycanın Nazxçıvan Muxtar Respublikası Ermənistanla həmsərhəddir.

XS
SM
MD
LG