Sentyabrın 18-i müxtəlif qoşun növlərinin iştirakı ilə genişmiqyaslı təlimlər başlayır.
Bu barədə Azərbaycan müdafiə nazirliyi (MN) məlumat yayıb.
“Təlimlərə 15 min şəxsi heyət, 150-dən artıq tank, zirehli texnika, 120-dək müxtəlif çaplı raket, artilleriya qurğusu, reaktiv yaylım atəş sistemi, minaatan, 20 ədəd müxtəlif təyinatlı döyüş aviasiyası və pilotsuz uçuş aparatları cəlb olunacaq”, – məlumatda vurğulanır.
MN bildirir ki, mürəkkəb dağlıq relyefdə keçirilən təlimlərdə qoşunlar müasir əməliyyatlarının müxtəlif üsullarının icrası üzrə bacarıq və vərdişləri praktiki təkmilləşdirəcəklər.
Təlimlərin sentyabrın 22-ə kimi davam etməsi nəzərdə tutulur.
