"ABŞ ATƏT-in Minsk qrupunun fəal həmsədri olmaqda davam edir".
Bu barədə ABŞ-ın Azərbaycandakı səfiri Robert Sekuta ABŞ-ın ATƏT-in Minsk qrupunun həmsədr ölkələri sırasından çıxmasının mümkünlüyünü şərh edərkən deyib.
Səfir qeyd edib ki, spekulyativ xarakter daşıyan fikirlərə münasibət bildirmək istəmir.
"Mən bu spekulyasiyasını şərh etmək istəməzdim. Biz ATƏT-in Minsk qrupunda fəal həmsədr olmuşuq, fəal olmaqda davam edirik və olacağıq. ABŞ-ın Minsk qrupunda yeni həmsədri təyin edilib. O, Dağlıq Qarabağ münaqişəsinin nizamlanması üzrə danışıqların bilavasitə iştirakçısıdır".
Diplomat Birləşmiş Ştatların Minsk qrupunun fəal həmsədri olduğunu və bundan sonra da olacağını vurğulayıb.
O, Vaşinqtonun bu yaxınlarda Endryu Şoferi yeni həmsədr təyin etdiyini və onun münaqişənin həlli üçün hər cür səylər göstərəcəyini əlavə edib.
