Accessibility links

Robert Sekuta: "Azərbaycan regionda təhlükəsizliyin təminatı üçün daha böyük rol oynamağa qadirdir"


Robert Sekuta

"ABŞ regionda və daha geniş coğrafiyada sabitliyi və rifahı daha da gücləndirmək üçün "Asiyanın qəlbi" prosesi çərçivəsində birgə işləməyə həmişə sadiqdir". APA agentliyinin xəbərinə görə, bunu bu gün ABŞ-ın Azərbaycandakı səfiri Robert Sekuta deyib.

Azərbaycanın "Asiyanın qəlbi" prosesindəki önəmli rolunu alqışlayan səfir bildirib ki, ABŞ Azərbaycanın Əfqanıstanda sülhün bərpası üçün fəaliyyətini dəstəkləyir.

"ABŞ və Azərbaycanın əməkdaşlıq etdiyi sahələrdən biri də təhlükəsizlik və əmin-amanlığın təminatıdır. Əfqanıstanla bağlı da ABŞ və Azərbaycan bir sıra işlər görüb. Azərbaycan göstərir ki, həm Əfqanıstanda, həm də regionda təhlükəsizliyin təminatı üçün daha böyük rol oynamağa qadirdir".

Səfir qeyd edib ki, ABŞ bütün ölkələri terrorla mübarizədə Əfqanıstana dəstəyə çağırır və bu prosesin irəli aparılmasını, möhkəmləndirilməsini arzulayır.

Fikirləriniz

Show comments

XS
SM
MD
LG