Accessibility links

Təlimlər iyulun 2-dən 6-dək davam edəcək

İyulun 2-dən 6-dək Azərbaycan Ordusunun müxtəlif qoşun növləri, qismləri, birlik və birləşmələrinin iştirakı ilə genişmiqyaslı təlimləri keçiriləcək.

Müdafiə Nazirliyinin məlumatına görə, təlimlərə 20.000 nəfərədək şəxsi heyət, 120-dək tank və digər zirehli texnika, 200-dən artıq müxtəlif çaplı raket və artilleriya qurğusu, yaylım atəşli reaktiv sistemləri və minaatan, 30-dək müxtəlif təyinatlı ordu və cəbhə aviasiyası cəlb olunacaq.

Təlimlərdə raket, artilleriya, bomba-hücum, eləcə də aviasiya və pilotsuz uçuş aparatları (PUA) ilə atəş zərbələrinin endirilməsi, həmçinin genişmiqyaslı hücum əməliyyatının keçirilməsi ilə üzrə tapşırıqlar yerinə yetiriləcək.

Nazirlik vurğulayır ki, kəskin kəsişən ərazi, mürəkkəb dağlıq relyef, həmçinin radioelektron mübarizə şəraitində keçiriləcək təlimlərdə qarşılıqlı fəaliyyət, qoşunların və atəş vasitələrinin idarə olunması icra ediləcək.

Fikirləriniz

Show comments

XS
SM
MD
LG