Müsavat Partiyasının Mətbuat xidmətinin və bastainfo.com saytının rəhbəri Mustafa Hacıbəyli iyulun 9-da günorta saatlarında 4 nəfər polis əməkdaşı təərfindən Binəqədi rayon Polis İdarəsinə aparılıb.
Müsavat Partiyasının başanı Arif Hacılı Amerikanın Səsinə bildirib ki, polis əməkdaşları əvvəlcə Mustafa Hacıbəylinin evinə gedib.
“Polis əməkdaşları sonra Müsavat Partiyasının qərargahına gələrək Mustafa Haclıbəylinin onlıarla Binəqədi rayon Polis İdarəsinə gedəcəyini bildirdi. Dedilər ki, Binəqədi rayon Polis İdarəsinin rəisi onunla görüşmək istəyir”.
Müsavat başqanıın qənaətincə, Mustafa Hacıbəylinin polis idarəsinə dəvət edilməsi onun rəhbərlik etdiyi bastainfo.com saytı ilə bağlıdır.
Rəsmi qurumlar Mustafa Hacıbəylinin polis idarəsinə dəvət edilməsinin səbəbi barədə hələ məlumat yaymayıb.
