Rusiya prezidenti Vladimir Putin sentyabrın 27-də Azərbaycana səfərə gəlib.
AZƏRTAC dövlət agentliyinin məlumatına görə Azərbaycan prezidenti İlham Əliyev, xanımı, Birinci vitse-prezident Mehriban Əliyeva, ailə üzvləri, Rusiya prezidenti Vladimir Putin, Monqolustan dövlət başçısı Xaltmaaqiyn Battulqa və Beynəlxalq Cüdo Federasiyasının prezidenti Marius Vizer Milli Gimnastika Arenasında keçirilən cüdo üzrə dünya çempionatının qarışıq komanda yarışlarına baxıb.
Rusiya prezidenti sentyabrın 27-də, Monqolustan dövlət başçısı isə sentyabrın 24-də Azərbaycana gəlib.
Səfər çərçivəsində V.Putin Azərbaycan prezidenti İlham Əliyevlə görüşəcək. Hər iki prezidentin IX Rusiya-Azərbaycan Regionlararası Foruma qatılacağı bildirilir.
