Accessibility links

Solanj-Cey Z qalmaqalının səbəbi məlum olub


Solanjın Cey Z-yə hücum etməsinin əsl səbəbi barədə söz-söhbət yayılıb.

Yeni məlumata görə Solanjın özündən çıxmasına səbəb hadisədən bir qədər əvvəl Nyu-Yorkda Metropoliten muzeyində hər il keçirilən ənənəvi məşhur Qala gecəsində onun moda dizayneri Rakel Royla sözləşməsi olub.

Deyilənə görə Solanj Kim Kardaşyanın yaxın rəfiqəsi, dizayner Rakel Royun Solanjın kürəkəni Cey Z ilə çox yaxınlıq etdiyini hiss edib.

New York Daily veb səhifəsi Rakelin Cey Z ilə çox yaxın münasibətdə olduğunu yazıb. Bu isə Solanj və bacısı Beyonsenin xoşuna gəlmir.

Həmin gecə bir qədər sonra Cey Z Rihannanın keçirdiyi ziyafətə tək gedəcəyini deyib. Həmin ziyafətdə Roy da iştirak etməli idi.

Ola bilsin məhz buna görə Solanj Cey Z ilə dalaşanda Beyonse onun qarşısını almayıb.
XS
SM
MD
LG