Accessibility links

Sorğular: Amerikalıların əksəriyyəti Baydenə dəstək verib


Amerikalıların əksəriyyəti ABŞ prezidenti Co Baydenin ilk 100 günlük işinin sonuna yaxın bir vaxt ümumi fəaliyyətini bəyənir.

İki böyük milli rəy sorğusu göstərir ki, koronavirus pandemiyasına münasibətində müsbət və Meksika ilə sərhəddə miqrantlara nəzarətlə bağlı mənfi rəylər mövcuddur.

Washington Post-ABC News araşdırması yetkinlərin 52%-nin Baydenə dəstək, 42%-nin isə ona mənfi rəy verdiyini göstərib.

NBC News-un sorğusunun nəticələrinə görə, amerikalılar Baydenə 53%-39% müsbət reytinq verib. Hər iki sorğu Baydenin cüzi fərqlə Trampı məğlub etdiyi 2020-ci il seçkilərindən sonra Ağ Evdə dörd illik müddətlik yolunda ölkədəki dərin siyasi ayrılığın dəyişmədiyini göstərib.

ABC-Post sorğusundan məlum olub ki, Demokratların 90%, Respublikaçıların isə 13% -i Baydenin fəaliyyətini yüksək qiymətləndirib.

NBC-nin sorğusunda Demokratların 90%, müstəqillərin 61%-i və Respublikaçıların yalnız 9% -i onun fəaliyyətini təsdiqlədiyi görünür.

ABC-Post sorğusunda ölkənin 46-cı prezidentinin iqtisadi fəaliyyəti respondentlərin 52%-i tərəfindən müsbət qiymətləndirilib. Mərkəzi Amerika və Meksikadan gəlmək istəyən minlərlə miqrantla bağlı siyasətinə görə 53% prezidentə mənfi rəy verib.

Bayden Trampdan fərqli olaraq yetkinlik yaşına çatmayan müşayiətsiz uşaqları qovmaqdansa, ABŞ-da qalmasına icazə verib.

NBC-nin sorğusuna görə, Bayden pandemiyadan əlavə həm iqtisadiyyat (52%), həm də ölkənin birləşdirilməsində və irqi əlaqələrin yaxşılaşdırılmasında (49%) ən yüksək göstəricilərə malik olub.

Amerika İcmalı

Amerika İcmalı - 22 Oktyabr, 2021
please wait

No media source currently available

0:00 0:29:58 0:00
XS
SM
MD
LG