Cənubi Koreyanın Çeçxon şəhərindəki fitness mərkəzində 29 nəfərin ölümü ilə nəticələnən yanğınla bağlı təhqiqata başlayıb.
Milli Yanğın Agentliyi yanğının cümə axşamı səhər saatlarında avtomobildə baş verdiyini və sonra 8 mərtəbəli binaya keçdiyini bildirib. Ölənlərin çoxu həmin binanın saunasında olan insanlardır.
Reuters xəbər agentliyi təhqiqatçılardan birinə istinadən binanın birinci mərtəbəsindəki avto-parkinqdə yanan avtomobillərdən çox miqdarda zəhərli qaz çıxdığını bildirib.
Xəbərdə eləcə də bildirilib ki, bir nəfər anasını, həyat yoldaşını və qızını itirib.
Yanğın əvvəlcə maşında başlayıb, daha sonra 8 mərtəbəli binanı bürüyüb. İnsanlar binadan çıxmağa nail olmayıb. Tüstü ətrafı bürüyərək, insanların evakusiyasına mane olub.
Çeçxon şəhəri paytaxt Seuldan 118 kilometrlik məsafədə yerləşir.
