Accessibility links

ABŞ-ın şərq ştatları artik soyuqların təsiri altındadır


Nyu York şəhərində yerləşən fontan şaxtalar səbəbindən donub

Son həftələrdə Birləşmiş Ştatları öz cənginə alan şaxtalı hava şəraiti 9 nəfərin ölümünə səbəb olub.

Milli Meteorologiya Xidmətinin verdiyi məlumata görə, qarşıdakı günlərdə havanın temperaturu daha da aşağı düşəcək və soyuq hava kütlələri ABŞ-ın mərkəzi və şərqi ştatlarına doğru hərəkət edəcək.

Cənubi Karolinada yerləşən su fontanının donması arktik hava kütlələrinin ABŞ-ın böyük bir hissəsinə necə təsir etdiyinin nümunəsidir.

Ancaq soyuqda yaşamağa öyrəşmiş alyaskalılar havanın qeyri-adi dəyişməsinin gətirdiyi yumşaq havadan zövq almağa çalışırlar.

“Yanvar ayına görə hava çox yumşaqdır. Adətən bu vaxtlar havanın temperaturu mənfi 30 dərəcəyə qədər düşür. İndi isə bir az istidir.” - deyə, Alyaska sakini Aşley Darst bildirib.

Alyaskalılar nisbətən isti havadan faydalandığı müddətdə sinoptiklər gələn həftə ABŞ-ın şərq hissəsini qar və buza qərq edəcək Artik fırtınanın hərəkət istiqamətini izləyirlər.

Özəl hava proqnozu şirkəti olan “AccuWeather”-in verdiyi məlumata görə, soyuq hava kütlələri Bahamalardan gələn qasırğa ilə birləşərək, ölkənin şərq sahillərində güclü külək və qar yağmasına səbəb olacaq.

XS
SM
MD
LG