İsrail hərbi dəniz donanması blokadaya baxmayaraq, Qəzzaya yardım çatdırmağa cəhd edən yəhudi fəallarını daşıyan qayığı dayandırıb. Səfərin təşkilatçıları bildirib ki, hərbi dəniz qüvvələri qayığı Qəzza sahilindən bir neçə kilometrlikdə dayandırıb və onu İsrailin cənubundakı Aşdod limanı istiqamətində üzməyə məcbur edib. Hər hansısa zorakılıq haqda məlumat verilimir. İsrail rəsmiləri fəalları sorğu-sual etmək məqsədil ilə saxladığını bildiriblər. İsrail Müdafiə Nazirliyinin sözcüsü deyib ki, İsrail hərbi dəniz donanmasının terrorun qarşısını almaq əvəzinə, bu kimi təxribatlarla məşğul olması təəssüf doğurur. Britaniya bayraqlı doqquz sərnişin və ekipaj üzvlərini daşıyan İren adlı katamaran şimali Kipri bazar gün tərk edib.
İsrail hərbi dəniz donanması Qəzzaya yardım çatdırmağa cəhd edən qayığı dayandırıb
Səfərin təşkilatçıları bildirib ki, hərbi dəniz qüvvələri qayığı Qəzza sahilindən bir neçə kilometrlikdə dayandırıb