Hollivud blokbasterlərinin təqdimatına bənzəyən bu mərasim Starbucks şirkətinin ikinci, Amerikadan kənarda isə ilk Starbucks Reserve Roastary-nin açılışı idi.
“Starbucks-ın gələcək artımı, həqiqi artımı və bütövlükdə artım mühərriki Çində olacaq.”
Starbucks artıq Çində aparıcı qüvvəyə çevrilib. 3000-dən çox qəhvə dükanı ilə şirkət qəhvə bazarının yarısına nəzarət edir. Yeni aparıcı qəhvə evinin açılışı zamanı şirkət rəhbərləri yaxın onillikdə 10,000-ə yaxın qəhvə dükanı açacaqlarını planlaşdırdıqlarını bildiriblər.
“Biz Çin istehlakçılarına nəzər salsaq görərik ki, onlar Starbucks-ı, qəhvəmizi, bizim təklif etdiyimiz çayları sevirlər. Biz bu yaxınlarda bu bazarda yeni dükanların açılması imkanlarını dəyərləndirmişik. Dünyada heç bir bazar Starbucks-a Çin bazarı qədər imkanlar təklif etmir.”
Şanxay şəhərində 6500 qəhvə dükanı var. Buna baxmayaraq, müştərilərin Starbucks-ın yeni nəhəng qəhvə evi ilə bağlı böyük gözləntiləri mövcuddur.
“Bura daha yüksək keyfiyyətli və orijinal qəhvə qovrulnasına daha yaxın metrodlardan istifadə edən yerdir. Ona görə də buranın qəhvəsi daha yaxşı olmalıdır.”
“Fikrimcə bu qəhvə evində insanlara qəhvənin necə qovrulduğunu, bəyəndiyin qəhvə paxlasını necə seçməli olduğunu və müxtəlif növ qovrulma proseslərini izah edə bilərlər. ”
Fincan arxasınca fincanla Starbucks Çində qəhvə mədəniyyətinin daha çox yayılmasına ümid edir.
