Səudiyyə Ərəbistanı səfirinə qarşı sui-qəsd cəhdinə görə İranın cavab verəcəyini bildirib. Şahzadə Türki Əl-Feysəl deyib ki, dəlillər qəsdin arxasında İranın durduğunu göstərir.
Bu arada Britaniya hökuməti ABŞ-la İrana qarşı yeni sanksiyaların tətbiqi məsələsini müzakirə edir. Amerika rəsmiləri məsələyə beynəlxalq münasibət bildirilməsi üzərində işləyir. Amerikanın vitse-prezidenti Co Bayden sui-qəsd cəhdini qəddar hərəkət kimi qiymətləndirib.
İran isə hadisədə əli olduğunu inkar edir. İranın parlament spikeri Əli Laricani ittihamları “uşaq oyunu” adlandırıb.