Suriya fəallarının bildirdiyinə görə, hökumət qüvvələrinin hava reydləri nəticəsində 20 nəfər həlak olub.
Britaniyada yerləşən Suriyada İnsan Haqlarının Müşahidəsi qrupu Dəməşq yaxınlığında həyata keçirilən hücumlar nəticəsində ölənlər arasında qadın və uşaqların da olduğunu xəbər verir.
Reydlər onlarla insanın yaralanması ilə nəticələnib.
Hökumətin döyüş təyyarələri və helikopterləri prezident Bəşar Əl-Əsədə müxalif döyüşçülərin nəzarəti altında olan bu bölgəni tez-tez hədəf alır.
