Accessibility links

Təhlil: Suriya müxalifətinin görüşü nəticə verməsə, boşluğu cihadçılar və üsyançılar dolduracaq


Suriya müxalifəti İstanbulda görüş kecirir. Daxili fikir ayrılıqlarına baxmayaraq, hər kəs təcili qərar verilməsi əhval-ruhiyyəsindədir. Müxalifət lideri Kamal Əl-Ləbvani: "Biz hər variantı nəzərdən keçirəcəyik. Ümid edirəm ki, öhdəsindən gələcəyik."

Koalisya üzvləri rəqib hökumətə başçılıq edəcək baş naziri seçməlidir. Müxalifət lideri Kamal Əl-Ləbvani bir zamanlar Suriyanın kənd təsərrüfatı naziri vəzifəsində çalışan Əsəd Mustafaya üstünlük verir. "Bizə dövlət lazımdır. Ona görə də ölkə daxilindən olan biri lazımdır. Biz onlara işlərini davam etdirmək imkanı yaratmalıyıq. "
Təhlilçilər isə vaxtın çox olmadığını deyir. Belə ki, ölkə boyu zorakılıqlar artmaqda davam edir.

Salman Şeyx Bruking Doha mərkəzinin direktorudur. "Bir yanda öz xalqına zülm edən, hər gün yüzlərlə insanı qətlə yetirən rejim, digər tərəfdə isə rejimin nəzarət edə bilmədiyi və ektsrimal elementlərlə dolu bir vacuum mövcuddur.”
Müxalifətin yeni hökumətin təşkilini gecikdirməsi ilə daxildə və xaricdə böyük ehtiyac duyulan etimadın yaradılması məsələsi narahatlıqlar mənbəyidir.

Yaxın Şərq üzrə tətlilçi Stiven Heydemann : “Əgər müxalifət müvəqqəti hökuməti təmsil etməsə, xalqın ehtiyacını qarşılamaq, suriyalıların narahatlıqlarına cavab vermək, zorakı rejimə müqavimət göstərə bilmək kimi qabiliyyətə malik olmasa, çox ciddi problemlərlə üzləşəcək.”

100-dən artıq ölkə Suriya xalqının təmsilçisi kimi müxalifət koalisiyasını rəsmən tanıyıb . Müşahidəçilər koalisiyanın əmələ keçmək vaxtının çatdığını deyir.Suriyanın Milli Şurasının sədri Corc Sabra: "İndi möhkəm təməl üzərində yeni hökumətin yaranması vaxtıdır. Bizim daxildə və Suriyanın qonşu ölkələrindəki qaçqın düşərgələrində icraçı bir missiyaya ehtiyacımız var."

Təhlilçilərin fikrincə müxalifətin görüşü nəticə verməsə, boşluğu cihadçılar və üsyançılar dolduracaq.
XS
SM
MD
LG