Accessibility links

Suriya Tramp administrasiyasını İranla nüvə razılığına dair mövqeyini tənqid edib


Suriyanın Xarici İşlər Nazirliyi ABŞ prezidenti Donald Tramp administrasiyasını İranla nüvə razılığına dair mövqeyini tənqid edərək, bildirib ki, bu, regional gərginliyi artırmaqla yanaşı, sülh və sabitliyə hədə törədir.

"Suriya Amerikanın insanlara qarşı təcavüzkar siyasətini tənqqid edir, və onun mövqeyi region və dünyada gərginliyi artırır" - deyə, SANA dövlət agentliyi rəsmi mənbələrə istinadən bildirib.

ABŞ lideri ötən həftə İslam Respublikasına qarşı yeni sərt strategiya açıqlayıb.

"Əvvəllər dediyim kimi, İran anlaşması Birləşmiş Ştatların indiyədək daxil olduğu ən pis və birtərəfli sazişlərdən biridir," deyə ABŞ prezidenti Donald Tramp İranla nüvə sazişinə dəstəyini rəsmən geri götürdüyünü bildirib.

"Nüvə anlaşması İranın diktaturasına siyasi və iqtisadi həyat naqili uzadaraq sanksiyaların yaratdığı təzyiqləri yumşaltdı," deyə Prezident Tramp sələfi Barak Obamanın rəsmi Tehranla gəldiyi razılığı tənqid edib. "O, həmçinin rejimə maliyyə dəstəyi verərək hökumətə terroru maliyyələşdirmək üçün əlavə $100 milyard dollar bəxş etdi."

Suriya İranın yaxın müttəfiqidir. O ölkə Suriya prezidenti Bəşar Əl-Əsədə hərbi və maddi dəstək göstərir.

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG