Yüzlərlə sürücü Moskvanın mərkəzini dolaşaraq baş nazir Vladimir Putindən Rusiyada azad seçkilər keçirməyi tələb edirlər.
Ağ şarlarla və bantlarla bəzədilmiş maşınlar Kremli dolaşan 16 kilometr uzunluğundakı Bağ Çevrəsi boyunca şütüyüblər.
Son etiraz aksiyası prezident seçkilərinə iki həftə qalmış təşkil olunub.
Vıadimri Putin 2000-2008-ci illər arasında prezident olduqdan sonra baş nazir vəzifəsinə keçmişdi. Prezident Dmitri Medvedevlə yerini dəyişən Putin martın 4-də keçiriləcək seçkilərdə namizədlyini irəli sürüb.
Onun bu qərarı Rusiyada ötən illərin ən iri etiraz aksiyalarına təkan verib.
