ABŞ-ın Azərbaycandakı səfirliyi IV İslam Həmrəyliyi Oyunlarına ev sahibliyi etdiyinə görə Azərbaycanı təbrik edir.
Səfirliyin məlumatında deyilir ki, ABŞ-da 3,4 milyondan çox müsəlman yaşayır və onlar Amerika cəmiyyətinin, mədəniyyətinin ayrılmaz tərkib hissəsidir.
“May və iyun aylarında İslam Həmrəyliyi Oyunlarını və Ramazan ayını qeyd etmək məqsədi ilə biz müsəlman amerikalıların idmanda, mədəniyyətdə, biznesdə, elmdə və digər sahələrdə qazandığı nailiyyətləri Facebook səhifəmizdə sizinlə bölüşəcəyik. Bu möhtəşəm şəxsiyyətləri daha geniş auditoriyaya tanıtmaqda bizə qoşulun”, səfirlik qeyd edir.
