Təxminən dörd il əvvəl anidən radarlardan yoxa çıxaraq, itkin düşən MH370 nömrəli Malaziya təyyarəsi üçün yeni axtarış əməliyyatı başladılıb.
ABŞ-da yerləşən kəşfiyyat şirkəti olan "Ocean Infinity" sualtı dronlar vasitəsi ilə Hind okeanında axtarış başlayıb.
MH370 nömrəli təyyarə 2014-cü ilin mart ayında yoxa çıxmışdı. Kuala Lumpur – Pekin reysi ilə uçan təyyarədə əksəriyyəti çinli sərnişinlər olmaqla 239 nəfər var idi.
Avstraliya tərəfindən aparılan və keçən ilin yanvar ayında sonlandırılan axtarışlar zamanı təyyarəyə aid heç bir izə rast gəlinməmişdi.
Sonuncu axtarış tədbirləri üç ay davam etmişdi.
Bu günə qədər Hind Okeanının qərb sahillərindən MH370 təyyarəsinin qanadlarından biri də daxil olmaqla yalnız üç parçasını tapmaq mümkün olub.
