Accessibility links

Reks Tillerson Ankaradadır


ABŞ dövlət katibi Reks Tillerson Türkiyə prezidenti və xarici işlər naziri ilə görüşmək məqsədi ilə Ankaradadır.

Ərdoğan və Cavuşoğlu ilə müzakirələrin diqqət mərkəzində Suriya və Amerikanın YPG-yə verdiyi dəstək yer alır.

Tillerson Ankaraya səfər etməzdən əvvəl Livanda keçirilən mətbuat konfransında Vaşinqtonun kürd qüvvəsi olan YPG-ni heç vaxt silahla təmin etmədiyini bildirib.

Türkiyənin dövlət başçısı keçən həftələr Vaşinqtonu YPG-yə 5 min yük maşını və 2 min təyyarə ilə silah göndərməkdə ittiham etmişdi.

Türkiyə artıq 3 həftədən çoxdur Suriyada kürd qüvvələrinə qarşı Zeytun budağı adlandırdığı əməliyyata start verib.

Tillersonun bu məsələni də gündəmə gətirəcəyi gözlənilir.

XS
SM
MD
LG