Toyota Kaliforniyada “Lexus” markalı avtomobildə qəzaya uğrayan 4 nəfərin qohumları tərəfindən qaldırılmış məhkəmə işinə son qoymaq üçün onlara 10 milyon dollar təzminat ödəməyə razılıq verib.
Məbləğ dünən hakimin rəqəmin gizli saxlanmasını rədd etməsindən sonra ilk dəfə açıqlanıb. Ödəniləcək maddi vəsaitin həcmini avtomobili ailəyə satana avtosalonu təmsil edən vəkil bəyan edib. 2009-cu ilin avqust ayında baş vermiş qəza zamanı Kaliforniyanın Avtomagistrallara Nəzarət müfəttişi Mark Seylor, onun həyat yoldaşı və qızı, o cümlədən Seylorun qayını San Dieqo ərazisində dünyasını dəyişib.