ABŞ prezidenti Donald Tramp Britaniyanın gətirdiyi dəlillərə əsasən, keçmiş rus casus və onun qızının İngiltərədə zəhərləndirilməsinin arxasında Rusiyanın durduğunu etraf edib. Bununla belə o, Moskvanı “faktlar əldə edilənə qədər” ittiham etməkdən çəkinib.
Tramp çərşənbə axşamı Britaniyanın baş naziri Tereza Meylə Sergey Skripal və onun qızı Yuliyanın zəhərləndirilməsi ilə bağlı insidenti müzakirə edəcəyini deyib.
“Onların nə nəticə çıxardığını bilmirəm, amma o mənə bu gün zəng etməlidir”, Tramp əlavə edib.
Britaniya Rusiyaya Sovet İttifaqında hazırlanmış əsəb-sinir sisteminə təsir edən maddədən Skripalın zəhərləndirilməsindən necə istifadə edildiyinə dair izahat vermək üçün çərşənbə axşamı gününün sonuna qədər vaxt verib. Tereza Mey deyib ki, Rusiya bu tələbə əməl etməsə, Britaniya buna qarşı “genimiqyaslı ölçülərlə” cavab verəcək.
Rusiyanın xarici işrlə naziri Sergey Lavrov Moskvanın ittiham edilməməli olduğunda israr edərək, Rusiyanın yalnız Britaniya təhqiqatının istifadə edilən kimyəvi maddənin nümunələrini təqdim etdiyi halda əməkdaşlıq edə biləcəyini bildirib. Lakin Lavrov nümunələrin təqdim edilməsi haqda müraciətlər rədd edildiyini deyəək, bunun Kimyəvi Silahlara dair Konvensiyasının pozulması olduğunu bildirib.
Britaniyanın baş naziri Tereza Mey bazar ertəsi deyib ki, hökumətin çıxardığı nəticəyə əsasən, bu ayın əvvəli keçmiş rus casusu Sergey Skripal və onun qızı Yuliyanın zəhərlənməsinə görə çox güman Rusiyanın məsuliyyət daşıyır.
Skripal və onun qızı Yuliya keçən bazar günü Britaniyanın cənubunda yerləşən Salsbury şəhərindəki parkda huşlarını itirmiş vəziyyətdə tapılıblar.
Skripal keşmiş Rusiya agentidir. O, 100 min dollar müqabilində Britaniyanın kəşfiyyat agentliklərinə Avropadakı rusiyalı casuslarla bağlı məlumat verdiyini etiraf edib.
Dörd il Rusiya həbsxanasında qaldıqdan sonra o, 2010-cu idlə ABŞ ilə aparılan casus mübadiləsi nəticəsində azadlığa buraxılıb və daha sonra Britaniyaya köçüb.
