ABŞ prezidenti İslam Dövləti qrupunun gözlənildiyindən daha tez çökdüyünü bildirib.
Donald Tramp bunu müdafiə naziri Cim Mattislə Pentaqon görüşündən əvvəl deyib.
Tramp görüşdən əvvəl müxbirlərin suallarını cavablandırıb.
Prezident Pentaqonda yüksək rütbəli komandirlərin məlumatlarını dinləyib. Görüşün detalları barədə rəsmi açıqlama verilməyib.
Görüş bağlı qapılar arxasında keçirilsə də, müzakirələr zamanı Əfqanıstana əlavə qüvvə göndərilməsi və İŞİD-in məğlubiyyəti məsələrinin gündəmdə olduğu ehtimal edilir.
