Accessibility links

Daha bir məhkəmə Trampın səfər qadağasının dayandırılması qərarını qüvvədə saxlayıb


Birləşmiş Ştatlarda ikinci məhkəmə prezident Donald Trampın altı müsəlman ölkəsindən ABŞ-a səfərlərə qadağanın dayandırılması haqda qərarı qüvvədə saxlayıb.

San Fransisko şəhərinin 9-cu apellyasiya məhkəməsi bu gün yekdilliklə Trampın müvəqqəti səfər qadağasına qarşı qərar çıxarıb. Məhkəmə bunu prezidentin martın 2-i qərarı verməklə səlahiyyətlərini aşması ilə əsaslandırıb.

Üç hakimdən ibarət heyət bildirib ki, İmmiqrasiya və Vətəndaşlıq aktı prezidentə həm ABŞ-a kimlərin daxil olduğuna nəzarət və ABŞ-ın təhlükəsizliyini müdafiə etmək kimi geniş səlahiyyətlər versə də, mühacirət hətta prezident də daxil olmaqla, bir nəfərin həll edə biləcəyi məsələ deyil.

San Fransisko məhkəməsinin qərarı mayın 25-də Virciniya ştatında yerləşən 4-cü apellayasiya məhkəməsinin çıxardığı qərarla səsləşir. Merilend ştatının hakimi o zaman prezident sərəncamının bir neçə hissəsinin icrasının qarşısının alınması haqda qərar verib. Lakin ikinci məhkəmədə müxtəlif arqumentlər irəli sürülüb.

4-cü apellyasiya məhkəməsi prezident Trampın qadağasının altı müsəlman ölkəsindən vətəndaşların ABŞ-a 90 gün müddətdə girişi ilə bağlı hissəsinə dair qərar çıxarıb.

San Fransiskonun 9-cu apellyasiya məhkəməsi isə qadağanı daha geniş mənada şərh edərək, səfərlə bağlı qərar üçün kifayət qədər əsas olmadığını bildirib.

Tramp administrasiyası 4-cü dairə məhkəməsinin qərarından Ali Məhkəməyə apellasiya şikayəti verərək, qadağanın qarşısının alınmasının dərhal götürülməsini istəyib.

Dünyaya Baxış

Dünyaya Baxış. Avstraliya ABŞ və Britaniya ilə yeni müdafiə sazişi imzalayıb
please wait

No media source currently available

0:00 0:12:53 0:00

Amerika İcmalı

Amerika İcmalı - 11 Sentyabr hücumlarının 20-ci ildönümü
please wait

No media source currently available

0:00 0:30:02 0:00
XS
SM
MD
LG