ABŞ prezidenti Donald Tramp Ağ Evdə Yunanıstanın baş naziri Aleksis Tsiprasla olduqca məhsuldar danışıqlar apardığını bildirib. Hərbi əməkdaşlıq, enerji təhlükəsizliyi və iqtisadi investisiyalar danışıqların diqqət mərkəzində olub.
Yunanıstanı regionda ən stabil ölkələrdən biri adlandıran Tramp ölkə ilə daha yaxın əməkdaşlıq aparacağını səbirsizliklə gözlədiyini deyib.
Biz iqtisadi əməkdaşlıq sahəsində böyük nailiyyətlər əldə etmişik.Donald Tramp
Tramp Yunanıstanla F-16 tipli təyyarələrin müasirləşdirilməsi məqsədilə 2.4 milyard dollar məbləğində mümkün razılığın müzakirə edildiyini bildirib. ABŞ prezidenti deyib ki, bu, Amerikada minlərlə yeni iş yerinin açılmasına kömək edə bilər.
“Biz iqtisadi əməkdaşlıq sahəsində böyük nailiyyətlər əldə etmişik. Amerika xalqı bu yaxınlarda baş vermis iqtisadi böhrandan çıxan yunan xalqı ilə bir dayanır”, Tramp bildirib.
