Türkiyədə Beynəlxalq Holokost Anım Günü fransızların genosidə dair çəkdikləri sənədli filmin dövlət televiziyasında nümayişi ilə başlanıb.
Rejissor Claude Lanzmannın Şoah filmi anım gününün ərəfəsində göstərilib.
Lanzmann deyir ki, ilk dəfədir ki, müsəlman ölkəsi 1985-ci ildə lentə alınmış Holokosta haqda sənədli filmi televiziyada göstərir.
Doqquz saatlıq film müsəlmanlarla yəhudilər arasında anlaşmanın yaranmasına və Holokostun inkarına qarşı mübarizə aparmaq məqsədi daşıyır.
2005-ci ildə BMT Baş Assambleyası qətnamə qəbul edərək yanvarın 27-i Holokostu anım günü kimi qeydə alıb.
