Accessibility links

BMT Ukraynada həm hökumət, həm də separatçılar tərəfindən özbaşına həbs və işgəncələri qınayıb


Ukrayna silahli qüvvələri

Birləşmiş Millətlər Təşkilatının İnsan Hüquqları üzrə Ali Komissarlığının Ofisi yeddi illik şərqi Ukrayna münaqişəsində həm hökumət, həm də Rusiya tərəfindən dəstəklənən separatçılar tərəfindən özbaşına həbs və işgəncələri pisləyib.

Bu, Birləşmiş Millətlər Təşkilatının İnsan Hüquqları Şurasına təqdim olunan hesabatda yer alır.

Ukraynadakı BMT İnsan Haqları Monitorinqi Missiyasının apardığı təhlillərə görə, həbs olunanların təxminən 4000-i son yeddi ildə həm hökumət, həm də üsyançıların nəzarətində olan ərazilərdə işgəncə və ya pis rəftara məruz qalıb.

Təhlil Donetsk və Luqansk bölgələrindəki müharibənin 2014-cü ildə başladığı gündən bəri münaqişə ilə əlaqəli 1300-dən çox işə əsaslanır.

Hesabatda hökumətin nəzarətində olan ərazilərdə özbaşına həbs hallarının bu gün də davam etdiyini, lakin əhəmiyyətli dərəcədə azaldığı deyilir.

Digər tərəfdən tətbiqlərin şərq separatçı bölgələrdə yüksək səviyyədə davam etdiyi bildirilir.

BMT müstəqil nəzarətçilərin həbs yerlərinə girişinə icazə verilməsinə və təmas xəttinin hər iki tərəfindəki insan hüquqları pozuntularına yol vermiş şəxslərin məsuliyyətə cəlb edilməsinə çağırıb.





Şərhlərə bax

Amerika İcmalı

Amerika İcmalı - 30 İyul 2021
please wait

No media source currently available

0:00 0:30:18 0:00
XS
SM
MD
LG