Ukraynanın mərkəzində yerləşən hərbi silah-sursat deposunda ardıcıl partlayışlar baş verib. Baş verən çoxsaylı partlayış nəticəsində azı bir nəfərin yaralandığı bildirilir.
Ukraynanın hərbi prokurorluğu Vinnitsk vilayətindəki sursat anbarında baş verən partlayış və yanğını diversiya hesab edir.
Bu barədə sentyabrın 27-də Ukrayna təhlükəsizlik xidmətinin mətbuat katibi Elena Gitlyanskaya məlumat verib.
O,c inayət məcəlləsinin 113-cü maddəsi ilə (diversiya) cinayət işi açıldığını bildirib.
İnsidentin baş verdiyi Kalinovka rayonu və ətraf qəsəbələrdən 28 minə yaxın sakin köçürülüb.
Hadisənin baş verdiyi gecə əraziyə gedən Ukraynanın baş naziri Vladimir Qroysman partlayışın arxasında "xarici amillərin" olduğunu bildirib.
