Accessibility links

“Urmiyə Gölü bu hökümət üçün prioritet deyil”


Urmiyə Gölü

İran Azərbaycanında fəaliyyət göstərən yerli jurnalistlər və türk fəallardan sonra, artıq yerli siyasətçilər və millət vəkilləri də Həsən Ruhaninin Urmiyə Gölü böhranına dair siyasətini sərt şəkildə tənqid edirlər.

İran xəbər agentliklərinin məlumatına görə, Urmiyə Gölünü canlandırma fəaliyyətləri üçün lazımi büdcə vəsaiti əlaqədar dövlət qurumları tərəfindən təmin edilməməkdədir.

Urmiyə Gölünün durumu keçən illərə görə daha da pisləşib. Bunun səbəbi isə, Proqram və Büdcə Təşkilatının lazımi vəsaiti təmin etməməsidir.
M. İsmail Səidi, depotat

Mehr agentliyinə danışan Təbriz millət vəkili Məhəmməd İsmail Səidinin sözlərinə görə, bu, Urmiyə Gölü məsələsinin artıq hökümət üçün bir prioritet olmadığını göstərir.

Cənab Səidinin dediklərinə görə, “Urmiyə Gölünün durumu keçən illərə görə daha da pisləşib. Bunun səbəbi isə, Proqram və Büdcə Təşkilatının lazımi vəsaiti təmin etməməsidir... Şərqi Azərbaycan və Qərbi Azərbaycan millət vəkilləri bu istiqamətdə şifahı və yazılı etirazlarını irəli sürmüşlər. Amma Proqram və Büdcə Təşkilatının ilk və son cavabı bu olub ki, vəsaitimiz yoxdur.”

“Bu yəni, Urmiyə Gölü bu hökümət üçün prioritet deyil,” deyə millət vəkili ifadə edib.

İranın Azərbaycanının digər millət vəkilləri də, xüsusilə Təbriz və Urmiyə şəhərinin deputatları Urmiyə Gölünün canlandırılmasına dair verilən vədlərin yerinə yetirilməməsini tənqid edirlər.

Ən sərt tənqidlər Həsən Ruhaniyə rəqib olan siyasi qanadlara mənsub deputatlar tərəfindən səsləndirilir.

Məhəmməd İsmail Səidi, deputat
Məhəmməd İsmail Səidi, deputat

Urmiyə Gölü məsələsi, türk dilində təhsil tələbi ilə bərabər daimi şəkildə İran Azərbaycanında ictimai fəallar, yerli qəzetlər və sosial medianın gündəmində olur.

İran mədəni toplumu Amerika prezidentinin dilə gətirdiyi Ərəb Körfəzi ifadəsinə göstərdiyi həssaslığı, bu günə qədər milyonlar insanın həyatını təhdid edən Urmiyə Gölü böhranına göstərməmişdir.
Güneyli sosial media istifadəçiləri

Türk fəallar Urmiyə Gölü böhranı ilə bağlı sadəcə hakimiyyəti deyil ölkə daxili və xaricində fəaliyyət göstərən İranlı jurnalistlər və mədəni fəalların mövqeyini də tənqid edirlər.

Sosial mediada bir çox istifadəçinin paylaşdığı tənqidlərin birində bu sözlərə yer verilib: “İran mədəni toplumu Amerika prezidentinin dilə gətirdiyi Ərəb Körfəzi ifadəsinə göstərdiyi həssaslığı, bu günə qədər milyonlar insanın həyatını təhdid edən Urmiyə Gölü böhranına göstərməmişdir.”

Ekoloji ekspertləri o cümlədən, əlaqədar dövlət qurumlarında çalışan ekspertlərin ifadələrinə istinadən, Urmiyə Gölünə axan çayların üzərində dövlət tərəfindən tikilən 70-dən artıq bənd gölün qurumasına yol verən əsas amil olub.

Dünyaya Baxış

Dünyaya Baxış. Tofiq Yaqublu döyülməsi ilə bağlı prokurorluqda ifadə verib
please wait

No media source currently available

0:00 0:11:46 0:00

Amerika İcmalı

Amerika İcmalı - 3 Dekabr 2021
please wait

No media source currently available

0:00 0:29:43 0:00
XS
SM
MD
LG