Accessibility links

ABŞ yük maşını sürücüləri çatışmazlığı ilə bağlı problemlər yaşayır


ABŞ yük maşını sürücüləri çatışmazlığı ilə bağlı problemlər yaşayır
please wait

No media source currently available

0:00 0:03:29 0:00

COVID-19 pandemiyasının ABŞ-a gətirdiyi bir çox çətinliklərlə yanaşı təchizat zənciri və yük maşını sürücülərinin çatışmazlığı ilə bağlı problemlər davam edir.

“Yük maşını sürücüləri tələb olunur. İş saatlarını özünüz seçin. Yüksək maaş."

Bu elanlar ABŞ-da getdikcə çoxalır. Amerika Yük Nəqliyyatı Assosiasiyasının bildirdiyinə görə, burada bütün malların 70%-i ştatlar arasında yük maşınları ilə daşınır. Yerli yük maşını sürücüləri assosiasiyalarının məlumatına görə, bu gün yük maşını sürücüləri üçün təxminən 80 min iş yeri var.

Yuri Şalak 16 ildən çoxdur ki, yükdaşıma şirkətində logistika sahəsində işləyir və o, pandemiyanın vəziyyəti xeyli ağırlaşdırdığını deyir. “ABŞ-da yük maşını sürücülərinin orta yaşı 47-dir. 60-dan yuxarı olanlar təqaüdə çıxır. Gənc sürücülər o qədər də çox deyil.“

Şalak Çikaqoda yük daşıma-dispetçer şirkətinin sahibidir. Onun şirkətində150-yə yaxın sürücü və yük maşını sahibi işləyir. O, daha çox amerikalınınonlayn sifariş etdiyi üçün son iki ildə logistika iş yükünün artdığını deyir. Lakin dünyanın dəyişməsinə baxmayaraq, yükdaşıma sənayesi dəyişməyib. MIT Nəqliyyat və Logistika Mərkəzindən David Korell “Onlardan daim təxminən 40 faiz az istifadə olunur. Biz adətən yük maşını sürücülərimizin yükdaşıma və çatdırılma işini necə planlaşdırdığımıza və sonra onların vaxtlarına diqqət yetiririk ... "

Yük maşını sürücüsünün iş günü ciddi şəkildə standartlaşdırılıb - sürücülərə gündə 11 saatdan çox sürməmək icazəsi verilir. Onlar maşınlarını yükləmək və ya boşaltmaq üçün cəld hərəkət etməlidirlər, əks halda həmin gün saatlarını itirə bilər. Pensilvaniya Universitetindən Stiv Viselli “Məyusluq, hörmətsizlik hissi çoxdur. Sürücülər hörmətdən çox danışır”.

Orta hesabla ABŞ yük maşını sürücülərinin maaşı yaxşıdır- saatda təxminən 25 dollar. Beləliklə, bir çoxunun bu işdə işləmək istəməsi təəccüblü deyil. Lakin çoxu da qalmır. “Amerikadakı statistika göstərir ki, yükdaşıma şirkətlərində hər il tamamilə yeni sürücü komandası olacaq. Bu o deməkdir ki, yanvarda gələn sürücülər bir ildən sonra orada olmayacaq. Beləliklə, bu şirkətlərin sahibləri insanların qalması üçün çox çalışmalıdır” deyə, Yuri Şalak bildirir.

Bayden administrasiyası sürücülər üçün daha çox təlim proqramları - məsələn, keçmiş hərbi qulluqçuları hədəf alan proqramlar açmaqla yük maşını sürücüləri çatışmazlığı problemini həll etməyə ümid edir. Lakin ekspertlər deyirlər ki, insanları motivasiya etmək getdikcə çətinləşir.

Özünə işləyən yük maşınları sürücüləri üçün vəziyyət fərqlidir. Dmitri Hnatyuk 13 ildən artıqdır ki, yük maşını sürücüsü işləyir. “Mən öz işimlə məşğulam, öz yük maşınımı sürürəm və mənim üçün hazırda vəziyyət olduqca yaxşıdır. Son bir neçə illə müqayisədə bu keçən il mənim gəlirim çox yüksək oldu."

Ekspertlər yaxın bir neçə ildə avtomobil və yük maşınlarının istehsalı üçün lazım olan mikroçip çatışmazlığının aradan qalxmayacağına inanır. Beləliklə, yaxın gələcəkdə yüklərin daşınma qiyməti, eləcə də həmin malların qiymətləri yalnız qalxacaq.

Şərhlərə bax

Dünyaya Baxış

Dünyaya Baxış. ABŞ və Böyük Britaniya Kyivdəki səfirlik işçilərini geri çağırıb
please wait

No media source currently available

0:00 0:13:02 0:00
XS
SM
MD
LG