Accessibility links

ABŞ Almaniyada Ukrayna qüvvələri üçün genişləndirilmiş təlimlərə başlayır


ABŞ-ın Birləşmiş Qərargah Rəisləri Komitəsinin sədri, general Mark Milli ABŞ ordusunun Ukrayna qüvvələrinin 500-ə yaxın əsgərdən ibarət bir batalyonunu növbəti 5-8 həftə ərzində Rusiya qüvvələri ilə döyüşmək üçün döyüş meydanına qaytarmaq məqsədilə yeni, genişləndirilmiş döyüş təlimlərinə bazar günü Almaniyada başlanıldığını bildirib.

Proqramla tanış olmaq üçün bazar ertəsi Grafenwoehr təlim bölgəsinə getməyi planlaşdıran general Milli təlim keçən qoşunların bir neçə gün əvvəl Ukraynanı tərk etdiyini, Almaniyada onların istifadə etməsi üçün silah və avadanlıq dəstlərinin hazır olduğunu deyib.

Pentaqon təlimlərin dəqiq nə vaxt başlayacağını bildirməkdən imtina edib.

Birləşmiş ordu təlimləri Ukrayna qüvvələrinin hücuma keçmək və ya Rusiyanın hər hansı hücumunu dəf etmək üçün bacarıqlarını artırmaq məqsədi daşıyır. Onlar birgə artilleriya, zirehli və quru qoşunlarından istifadə edərək, döyüşdə taqım və batalyon bölmələrini daha yaxşı hərəkət etdirmək və koordinasiya etdirməyi öyrənəcəklər.

General Milli bazar günü onunla birlikdə Avropaya gedən iki müxbirə deyib ki, Ukraynaya göndərilən bir sıra yeni silah, artilleriya, tanklar və digər nəqliyyat vasitələrinin yardımı ilə keçiriləcək təlimlər ölkə qüvvələrinə 11 aydır davam edən müharibə zamanı Rusiya tərəfindən işğal edilmiş əraziləri geri almasına yardım etməkdə əsas rol oynayacaq.

"Bu dəstək Ukraynanın özünü müdafiə edə bilməsi üçün həqiqətən vacibdir. Və biz ümid edirik ki, bunu burada qısa müddətdə bir araya gətirə bilək", Milli deyib.

Onun sözlərinə görə, məqsəd Ukraynaya bütün silah və texnikanın vaxtında çatdırılmasıdır ki, yeni təlim keçmiş qüvvələr onlardan "yazda yağışlardan əvvəl istifadə edə bilsin. Bu, çox yaxşı olardı".

Yeni təlimat Ukrayna qüvvələrinin şərqdə Donetsk vilayətində şiddətli döyüşlərlə üzləşdiyi bir vaxta təsadüf edir. Rusiya qüvvələri orada duz mədəni olan kiçik Soledar qəsəbəsinə nəzarət etdiklərini iddia edir. Ukrayna isə qoşunlarının hələ də döyüşdüyünü bildirir. Lakin Moskva ordusu Soledara nəzarəti ələ keçirərsə, bu, onlara aylardır döyüşlərin getdiyi daha böyük Baxmut şəhərinə yaxınlaşmağa imkan verə bilər.

Dünyaya Baxış

Dünyaya Baxış. Trampın ilk keçmiş ABŞ prezidenti kimi cinayət məhkəməsi başlayıb
please wait

No media source currently available

0:00 0:12:13 0:00

Amerika İcmalı

Amerika İcmalı. ABŞ-Yaponiya əlaqələri. ABŞ-ın Azərbaycan-Ermənistan sülh prosesində rolu.
please wait

No media source currently available

0:00 0:30:13 0:00
XS
SM
MD
LG