Bu gün ABŞ-da Veteranlar Günü qeyd edilir. Ölkə boyu restoranlar və pərakəndə satış mərkəzləri veteranlara pulsuz və ya endirimli xidmətlər göstərir.
ABŞ prezidenti Barak Obama naməlum əsgər məzarına əklil qoymaqla veteranlara bir daha təşəkkürünü nümayiş etdirəcək.
Atəşkəs Günü 1919-cu ildə prezident Uidrou Uilson tərəfindən Birinci Dünya Müharibəsinin başa çatması şərəfinə təsis edilib. Noyabr ayının 11-də elan edilən atəşkəs saat 11-də 11-ci ayın 11-ci günü olduğu üçün prezident bu günü bayram kimi qeyd edilməsinə sərəncam verib.
ABŞ-da Atəşkəs Günü 1938-ci ildən rəsmi bayram elan edilib. 1954-cü ildə İkinci Dünya və Koreya müharibələrindən sonra bayramın adı dəyişdirilərək Veteran Günü elan edilib.
