Accessibility links

Xədicə İsmayıl "Allard" mükafatı aldı


Araşdırmaçı-jurnalist, AzadlıqRadiosunun əməkdaşı Xədicə İsmayıl Kanadadakı Britaniya Kolumbiyası Universiteti Hüquq fakültəsinin təsis etdiyi «Allard» mükafatına layiq görülüb.

Qalibin elan olunması ilə bağlı mərasim bu gün, sentyabrın 29-u səhər saatlarında Kanadanın Vankuver şəhərində başlayıb.

Görünür, mübarizə təkcə əziyyətlə bitmir, bunun nəticəsi də olur.
Xədicə İsmayıl

"Bu mükafat korrupsiyaya ilə mübarizə aparanlara verilir. Bu dəfə bu mükafata mən, Misirdən daha bir jurnalist, bir də Braziliyadan bir təşkilat namizəd olub. Nəhayət, münsiflər bu qərara gəliblər ki, qalib olaraq bu mükafat mənə verilsin," İsmayıl bildirib.

Jurnalist deyir ki, misirli jurnalistin də onun kimi ölkədən çıxış yasağı olduğundan tədbirə qatılmayıb.

Jurnalist bu mükafatı təkcə özünə deyil, korrupsiyaya ilə mübarizə aparan bütün jurnalistlərin əməyinə verilən qiymət sayıb:

"Görünür, mübarizə təkcə əziyyətlə bitmir, bunun nəticəsi də olur," İsmayıl qeyd edib.

Mükafat AzadlıqRadiosunun Azərbaycan Xidmətinin sabiq rəhbəri Kənan Kazımoğluya təqdim olunub.
Mükafat AzadlıqRadiosunun Azərbaycan Xidmətinin sabiq rəhbəri Kənan Kazımoğluya təqdim olunub.

«Beynəlxalq Bütövlük Naminə Allard Mükafatı»nı Britaniya Kolumbiyası Universitetinin məzunu Peter A. Allard yaradıb və maliyyələşdirir.

İki ildə bir dəfə verilən mükafat korrupsiyaya ilə mübarizədə və insan haqlarının təşviqində göstərilən səyləri dəyərləndirir.

Cəmi üç gün öncə, sentyabrın 26-da isə Xədicə İsmayıl «Nobel mükafatına alternativ» - «Dürüst Həyat» (Right Livelihood) laureatı adını qazanmışdı.

XATIRLATMA

X.İsmayıl 2014-cü il dekabrın 5-də həbs olunmuşdu. Jurnalist vergidən yayınma, qanunsuz sahibkarlıq kimi ittihamlarla 7 il 6 ay həbs cəzası almışdı. O, ittihamları qəbul etmir, araşdırma yazılarına görə sifarişlə həbs olunduğunu bəyan edirdi.

Jurnalist 2016-cı il mayın 25-də Ali Məhkəmənin qərarı ilə həbsdən buraxılıb. Əvvəlki hökm 3 il 6 ay şərti cəza ilə əvəz edilib. Avqustda isə Cinayət Məcəlləsinə dəyişikliklərdən sonra şərti cəzanın müddəti 2 il 3 aya endirilib. Ancaq şərti cəza ilə əlaqədar jurnalistə Ali Məhkəmənin təyin etdiyi 5 il sınaq müddəti elə olduğu kimi saxlanılıb.

X.İsmayıl həbsdən buraxılsa da, ölkədən kənara buraxılmır. Ölkədən çıxışına qoyulan qadağanın aradan qaldırılmasından ötrü Binəqədi Rayon Məhkəməsinə müraciət etsə də, şikayəti təmin olunmayıb. Bakı Apellyasiya Məhkəməsi də o qərarı qüvvədə saxlayıb.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG