Accessibility links

Oğuz və Qəbələdə meşədə yanğınlar baş verib


İsmayıllıda meşə yanğını

Avqustun 28-də Oğuz rayonunun Xaçmaz kəndində (Bakıdan 220 kilometr şimal-qərb) və Qəbələ rayonunun Duruca və Tikanlı kəndlərində (Bakıdan 265 kilometr şimal-qərb) meşə zolağında yanğınlar baş verib. Bu barədə Fövqəladə Hallar Nazirliyinin Böhran Vəziyyətlərində İdarəetmə Mərkəzinin məlumatında deyilir.

Məlumatda deyilir ki, Dövlət Yanğından Mühafizə Xidmətinin, Mülki müdafiə qoşunlarının və Şimal-qərb Regional Mərkəzinin müvafiq xilasetmə qüvvələri, həmçinin Aviasiya dəstəsinin 1 ədəd yanğınsöndürmə helikopteri söndürmə işlərinə cəlb olunub. Duruca kəndində meşə ağacları və kol-kos 1 hektar sahədə yanıb. Yanğın gecə saatlarında söndürülüb.

Nazirlik bildirir ki, qalan ərazilərdə söndürmə işləri davam etdirilir.

XS
SM
MD
LG