Accessibility links

Yekaterinburqda icazəsiz aksiyada iştiraka görə 20-dən çox adam həbs edilib


Rusiyanın Yekaterinburq şəhərində icazəsiz aksiyada iştiraka görə 20-dən çox kişi və qadın həbsə məhkum edilib.

Son üç gündə Ural regionunda yerləşən bu şəhərdə minlərlə adam yerli hakimiyyətin populyar parkın ərazisində kilsə binası tikintisinə etiraz aksiyaları keçirirdilər.

Mayın 16-də məhkəmə iki gün öncə saxlanmış 21 nəfərin iki gündən 10 günədək həbsə məhkum edildiyini açıqlayıb. Onlar ictimai asayişi və ictimai toplantı qaydalarını pozmaqda təqsirləndiriliblər.

Məhkəmə mayın 15-dəki nümayiş zamanı 33 nəfərin saxlandığını bildirib.

Ancaq Rusiyada nümayişlərdə polis təzyiqini araşdıran OVD-Info müstəqil təşkilatı saxlananların sayının 70-ə yaxın olduğunu bildirib.

Fəalların fikrincə, kilsə tikintisi şəhərdə azsaylı yaşıl məkanların sayını daha da azaldacaq.

XS
SM
MD
LG