Yəmən ölümcül vəba epidemiyasının qarşısını almaq uğrunda mübarizə aparır.
Birləşmiş Millətlər Təşkilatı və beynəlxalq yardım qrupları xəstəliyin yayılma sürətindən narahat olduqlarını bildirir.
Ümumdünya Səhiyyə Təşkilatı bildirir ki, ötən aprel ayından bəri vəbadan 2 min insan ölüb, yüz minlərlə insanın isə bu xəstəliyə yoluxduğu təxmin edilir.
Səhiyyə rəsmiləri vəba epidemiyasına səbəbin su təchizatının olduğunu deyir. Ekspertlər bildirir ki, yəmənlilər təmiz suya çıxış əldə etməyənədək, vəba epidemiyası azalmayacaq. Ölkədəki münaqişə vəziyyəti daha da ağırlaşdırır.
